Бүгін, аудандық штаб өкілдері «Ақсарай» спорт кешенінде спорт сүйер қауыммен кездесу өткізді. Басқосуда штаб мүшесі Асылжан Жолдасбеков Ел Президентінің халыққа жолдауында назарға алынған нақты жобаларды баяндап, әсіресе елiмiзде АЭС салу мәселесіне қатысты жобаларды тiлге тиек етіп әрi қатысушылар тарапынан қойылған сауалдарға кеңінен жауап берді.
Сондай-ақ, көпшілікке АЭС құрылысын салу елімізде таза энергиямен қамтамасыз етіп, жылу мен электр қуатын берудегі іркіліс мәселесін шешетініне тоқталды. Болашақта елімізде тұрақты энергиямен қамтамасыз ету қажет болса, онда бұл бастама бірден-бір дұрыс шешім екендігін алға тартты.
Жиын соңында штаб мүшелері АЭС салу мәселесі де қазіргі таңда өзекті әрі болашақта электр тапшылығын шешудің бір ден бір жолы деген пікірлерін білдірді.