АЭС салуды қолдау жөніндегі аудандық Халықтық штаб мүшелері Мадияр Ахметов, Асылжан Жолдасбеков аудан спортшыларымен және сала қызметкерлерімен кездесу өткізді.
Кездесу барысында Халықтық штаб мүшелері АЭС құрылысы өскелең ұрпақ алдында қандай перспектива ашатынын айтты. Жас буынды қолдау мемлекеттік саясаттың басым бағыты екенін тілге тиек етіп, осы саладағы реформалардың мәніне назар аударды. Атом энергетикасы тұрақты энергия көзі ғана емес, сонымен қатар кәсіби және ғылыми тұрғыда өрлеудің жаңа мүмкіндігі екенін айтып өтті. Еліміздегі үлкен стратегиялық маңызы бар атом электр станциясын салу жөніндегі референдум 6 қазан күні өтетінің және де референдумға белсене қатысуға шақырды.