Қазақстан Республикасының Президенті Қасым-Жомарт Тоқаев 2024 жылдың 2 қыркүйектегі Қазақстан халқына дәстүрлі Жолдауында АЭС салу бойынша референдум өткізуді жариялаған болатын. Осыған орай ауданымызға арнайы келген Республикалық Халықтық штаб мүшелері АЭС салудың маңыздылығын түсіндіру бойынша «Жан Арай» шипажайында Жаңақорған ауданы кәсіпкерлерімен кездесу өткізді.
Кездесу барысында АЭС салу еліміздің өркениетті елдер қатарына қосылып, электр жарығына тәуелсіз өмір сүруі үшін өте қажет екені туралы айтылды.
Сонымен қатар Республикалық Халықтық Штаб мүшесі Мархабат Жайымбетов АЭС салудың маңызды тұстарын кеңінен түсіндіріп, атом электр станциясының салынуы еліміздің өркениетті елдер қатарына қосылып, электр жарығына тәуелсіз өмір сүруі үшін аса маңызды екені атап өтті.
Жиын соңында аудан кәсіпкерлері АЭС туралы ойларын ортаға салып, тың бастамаға бірауыздан қолдау көрсетіп, энергия ел экономикасының қозғаушы күші деген ортақ пікірге келді.