Бүгін аудандық Халықтық штаб мүшесі, халық қалаулысы Юнусов Азатбек пен " Сүттіқұдық" бастауыш партия ұйымының төрағасы Утебаев Асылдан Сүттіқұдық ауылында бiлiм саласы мамандарымен кездесу өткізіп, АЭС салудың негізгі факторлардың жан-жақты түсіндірді.
-Болашақты былай қойғанда, бүгінгінің өзінде елімізде электр энергиясының жетіспеушілігі байқалуда, ал келешекте ұрпағымыз өзгеге тәуелді болуы ықтимал. Оның үстіне зауыттар мен фабрикалардың көптеп ашылуымен энергетика саласындағы жағдай күрт нашарлауы мүмкін. Сондықтан да, елімізде АЭС салу ел ертеңі үшін маңызды қадам. Бұл үздіксіз электр энергиясын өндірудің әлемдегі ең озық тәсілі. Алдағы электр тоғының жетіспеушілі секілді туындайтын мәселелердің алдын алуға негіз бар, - деді Азатбек Юнусов.
Сонымен қатар, штаб мүшесі болашақ ұрпақтың жайлы өмір сүруін қаласақ, алдағы референдумға белсене қатысып, бей-жай қарамауға шақырды. Бұл бір күндік емес, болашақтың еншісіне тиесілі дүние екенін атап өтті.