АЭС салуды қолдау жөніндегі халықтық штаб мүшелері «Нұрбол И» шаруа қожалығында

Бүгін аудандық мәслихат депутаты Үсенов Изатулла Ергешұлы бастаған АЭС салуды қолдау жөніндегі аудандық халықтық штаб мүшелері Қожакент ауылдық округіндегі «Нұрбол И» шаруа қожалық ұжымымен кездесті.

Шаруа қожалық ұжымымен кездесу барысында Штаб мүшелері Қазақстан Республикасының Президенті Қасым-Жомарт Кемелұлы Тоқаевтың кезекті Жолдауында көрсетілген жалпыұлттық референдум өткізу бойынша атом энергиясын пайдаланудың артықшылығы туралы айтты.

Халықтық штабтың мақсаты – ел арасында кең ауқымды түсіндіру жұмыстарын жүргізіп, қоғамда АЭС-ті қолдауға жұмылдыру. Халықты атом электр станциясын салу жөніндегі прогрессивті идеясының айналасында топтастыру, қоғамға АЭС салудың маңыздылығы мен артықшылықтарын жеткізу болып табылады.

Сондай-ақ, қазіргі уақытта Қазақстан электр энергиясының тапшылығын сезінуде және оны көрші елдерден импорттауға мәжбүр екенін бәрі білуге тиіс. Осы тапшылық жаңа өндірістердің іске қосылуына, жұмыс орындарын құруға тікелей әсер етіп, бизнестің дамуына кедергі келтіруде. Бұған жол беруге болмайды.

Кездесуде қатысушылар референдум, АЭС бойынша толғандырған сауалдарын қойып, штаб мүшлерінен жауап алды.