Мемлекеттің бірден-бір тұғыры ол – экономика. Еліміз алдағы уақытта да экономикалық даму деңгейі жоғары болып қалыптасуы қажет. Осы арқылы бүгінде ел экономикасы тұрақты дамып, соның нәтижесінде оң көрсеткіштерге қол жеткізіп келеміз. Бүгін ел призденті Қасым-Жомарт Тоқаевтың "Әділетті Қазақстан: заң мен тәртіп, экономикалық өсім, қоғамдық оптимизм" атты Қазақстан халқына Жолдауында «Экономиканы қарқынды дамыту үшін тек мемлекет қаржысына сүйену жеткіліксіз», деп айтып өтті.

– «Экономиканы қарқынды дамыту үшін тек мемлекет қаржысына сүйену жеткіліксіз екені анық. Жеке инвестициялар тарту арқылы іскерлік белсенділіктің артуына қолайлы жағдай жасаған жөн. Ол үшін, ең алдымен, салық саясаты тұрақты болуға тиіс. Сонда бизнес те сапалы дамуға ынталы болады және жауапкершілікпен жұмыс істейді.Жаңа салық кодексі қазіргі жүйені қайта жаңғыртуға арналған. Бұл құжат салықтық әкімшілендіру ісінің салық төлеушілерге деген сенімге негізделген мүлде жаңа жүйесін қалыптастыруға тиіс. Кодекстің ережелерін әркім әрқалай қабылдамауы үшін оны жеңілдетіп, экономикалық тұрғыдан белсенді азаматтың бәріне бірдей түсінікті ету өте маңызды» екенін атап өтті.
Иа, мемлекет басшысы айтқандай, жаңа экономикалық үлгіге өтуіміз үшін, аталған жұмыстарды батыл жүргізуіміз керек. Бұл ең алдымен халықтың тұрмыс салтын жақсартуға бағытталады. Ал, бұл қуатты да табысты мемлекетке айналудың бастамалары болары анық.