"Өлкенің гүл жайнаған балғындары"
1 маусым – Халықаралық балаларды қорғау күні. Жайма шуақ жаздың бірінші күніне дәл келетін балаларды қорғау күні – халықаралық мерекелердің бірі, оны бүкіл әлемде атап өтеді. Қай халықтың болмасын елдігін, салт-дәстүрін, ата-мекенін болашаққа апаратын бүгінгі жас ұрпағы. Дүниеде баладан асыл, сәбидің күлкісінен қымбат қазына жоқ. Бала – біздің болашағымыз, еліміздің ертеңі.Осы мақсатта, «Бақытты отбасы» партиялық жобасы аясында «Қандөз» БПҰ-ғы «Өркен» балабақшасында «Өлкенің гүл жайнаған балғындары» атты ертеңгілік шарасы өтті. Атаулы шараға "AMANAT" партиясы Жаңақорған аудандық филиалының төрағасы Арман Мажитов арнайы барып, бүлдіршіндерді мерекемен құттықтап қана қоймай қажетті логопедиялық сабақтарға арналған ойыншықтар табыстады.
Бүгінгі бала елдің ертеңі, болашағы, ұлттың жалғасы. Өскелең ұрпақ елдің ертеңгі тізгінін ұстар азаматтары. Бар жақсылығын балаларына көрсетіп, олардың жан-жақты тәрбиелі, саналы болып ержетуіне қамқорлығын аямайтын мемлекеттің болашағы да жарқын болары анық.
