Ұлттық киім – ұлттың келбеті
Ұлттық киім – ұлт бейнесі. Өзінің елдік қасиетін, өнерін, мәдениетін, тілі мен дінін сезінбей өскен жас ұрпақта ешқандай да патриоттық тәрбие қалыптаса қоймасы анық. Ең әдемі киім – ұлттық киім. Қазақ халқының ұлттық киімдерінің түрі де, үлгісі де еш халықтан кем емес. Оның көркем үлгілері әлемнің этнографиялық мұражайлары мен көрмелерінен орын алған.
Осыған орай республикалық Наурыз меркесіне арналған онкүндік шеңберінде 18 наурыз – «Ұлттық киім» күні аталып өткізілуде.
Бұл күні білім бөліміне қарасты барлық білім беру ұйымдары мектептер мен балабақшала өз үлестерін қосып, оқушылар мен ұстаздар қауымы ұлттық киім киіп, мерекенің мерейін кіргізуде. Осы көшке ілесіп, ұжымдық ынтымақты таныту болмысымызды айқындайды.
