Қазақстандық әнші Димаш Құдайберген Screaming әніне түсірілген алғашқы ресми бейнебаянын тыңдармандарына ұсынды, деп хабарлайды Baq.kz ақпарат агенттігі.

Әнші өзінің алғашқы бейнебаяны туралы жаңалықты мамырдың 23-нен 24-не ауған түні Instagram парақшасында бөлісті. «Сіздерге ұнайды деген үміттемін» деп жазды видеоның тұсына.
Бірнеше сағат ішінде әншінің бейнебаянын 10 мыңға жуық адам көріп үлгерген. Желі қолданушылары өз кезектерінде әншіні құттықтап, бейнебаянның көңілдерінен шыққанын жарыса жазды.

«Бүгін түнгі 00.00-де ағылшын тіліндегі әнге түсірілген бейнебаяным көрерменге жол тартпақ. Әннің композиторы Muhgal осы күнге дейін Rihanna, Usher, Cherul Fermandes - Versini, Shakira, Ne-Yo, Avisi сынды әншілерге әндер жазған. Сонымен, жақында ғана жарық көрген Screaming деген әнімнің бейнебаяны көңілдеріңізден шығады деген үміттемін», - дейді әнші.