ЛУИНАНЫҢ ҚАЗАҚША ӘНГЕ ТҮСІРГЕН БЕЙНЕБАЯНЫ ЖЕЛІДЕ ҚЫЗУ ТАЛҚЫҒА ТҮСТІ

Әнші Луина тыңдармандарына жаңаша стильдегі бейнебаянын ұсынды. Hey-yo – Луинаның продюсерден бөлек кеткеннен кейінгі алғашқы жұмысы. Бұл туралы Stan.kz ақпараттық агенттігі хабарлайды.
Луина дербес әнші ретіндегі тырнақалды клипіне шоу-бизнестегі әріптестерін түсірген. Олардың қатарында Ділназ Ахмадиева, Жәния Джуринская, Рано Омарова, “Қазақстан аруы” Айдай Исаева, Сая Оразғалиева, тіпті Жұлдыз Өмірғали бар.
Бейнебаянда қыздар купальник киіп, шығыс стиліндегі әнге билеген. Бұл орайда тыңдармандардың пікірі әдеттегідей екіге бөлінді.
“Ұятты” алға тартқан көрермендер тобы әншіні жаппай сынға алды.
“Қазақ қыздарына тән емес, өзі ғана шешініп қоймай, бұл жолы басқаларды да тартыпты”, – деп шағымданды олар.