Әр жыл сайын жылдың 2-5 қаңтары аралығында Қызылорда облыстық білім және ғылым қызметкерлері кәсіподақ комитеті және «Өрлеу» БАҰО» АҚ филиалы Қызылорда облысы бойынша педагогикалық қызметкерлердің біліктілігін арттыру институтының ұйымдастыруымен «Жаңақорған» шипажай» базасында облыс көлемінде шығармашылықпен жұмыс жасайтын ұстаздардың қатысуымен облыстық «Тәжірибе алаңы» өткізіледі. Бір ерекшелігі бұл жоба республика бойынша тек Қызылорда облысында ғана 7 аудан және қала мектептерінің педагогтарынан құралған командалар арасында 21 жылдан бері тұрақты өткізіліп келеді.

2024 жылдың 02-05 қаңтар аралығында өткізілген облыстиық Тәжірибе алаңында Жаңақорған ауданы командасынан шығармашыл ұстаздар қатысып «Педагогикалық идеялар аукционы», «Шеберлік сынып», «Авторлық бағдарлама», «Үздік демо-сабақ» кәсіби байқауларына қатысып №160 мектептің математика пән мұғалімі Қошанов Абзал шеберлік сынып көрсетіп жүлделі І орынды, тоғызқұмалақ сайысынан ІІІ орынды, №89 мектептің физика пән мұғалімі Раимова Гүлчехра «Авторлық бағдарлама» сайысынан ІІІ орынды иеленді. Командалық сайыстарда Жаңақорған командасы «Әзілің жараса..», «Оқуға құштар мектеп» театрландырылған мәдени шараларында жүлделі І орынды, «Ауылдың алты ауызы» атты кешкі шарада ІІІ орында иеленді. Басқа да қатысушылар өз жұмыстарын көрсетіп Құрмет грамотасы мен Алғыс хаттарға ие болды.

• «Тәжірибе алаңы» облыс көлемінде шығармашылықпен жұмыс жасайтын озат тәжірибелі мұғалімдердің мәртебесін көтеру, шығармашылық әлеуетін, кәсіби құзіреттілігін, үздік тәжірибесін анықтау, тарату, курстық және курсаралық шаралардың нәтижелілігін байқау үшін кері байланыс жасауға мүмкіндік беретін ең құнды, ең маңызды жобалардың бірі.

• Осы шараға Жаңақорған ауданы бойынша ұстаздарымыз жыл сайын қатысып аудан намысын қорғап жеке және командалық сайыстарда жүлделі орындарға ие болып келе жатыр.

• Биыл бесінші жыл ауданымыздың шығармашыл ұстаздарына білім бөлімінің әдіскері Тұртанова Пәтима жетекшілік етіп келеді, жетістіктеріміз жоқ емес ауданымыздың командасы жоғарғы орындардан көрініп жүр.

• Тәжірибе алаңы жұмысының қорытындысы жұмысына яғни талдаулар мен марапаттаулар кезеңіне Қызылорда облыстық білім және ғылым қызметкерлері кәсіподақ комитеті төрайымы Есқалиева Гүлнар Бабабекқызы, «Өрлеу» БАҰО» АҚ филиалы Қызылорда облысы бойынша педагогикалық қызметкерлердің біліктілігін арттыру институты директоры Елеусінов Бауыржан Тажмағанбетұлы және Жаңақорған аудандық білім бөлімі басшысы Есенбаев Бекжан Шахизатұлы қатысып барлық қатысушыларға яғни облысымыздың шығармашыл ұстаздарын құттықтап жылы лебіздерін білдірді.
• «Тәжірибе алаңына» қатысқан барша ұстаздарға, ұйымдастырушыларға алғыс білдіреміз! Шығармашыл ұстаздардан алдағы уақытта табысты, бірлескен жұмыстар күтеміз! Сәттілік!