ӨСКЕМЕНДЕ ҚАР ЖАУЫП ТҰР
Таңертеңнен бері қалада қар жауып жатыр. Өскемендіктер әлеуметтік желілерде фото және видеолар арқылы ауа райының тосын мінезімен белсенді бөлісуде, деп хабарлайды Baq.kz ақпарат агенттігі.
Осыдан екі күн бұрын Қазақстанның екі облысында – Павлодар және Қарағандыда да қар жауған болатын. Айта кету керек, елдің кейбір аймақтарында жауын-шашын мен қар жауатыны туралы синоптиктер 16 мамырда ескерткен болатын.
«Республиканың солтүстік, орталық және шығыс аудандарына қарай Батыс Сібірден арктикалық салқын аумақтар жылжуда. Ол күннің салқындауына, жауын-шашын мен қар жаууына алып келеді. Ауа температурасы нормадан 2-4 градусқа төмен болады», - деп хабарлаған «Қазгидромет» РМК 2018 жылғы 17-19 мамырға арналған ауа райы болжамын ұсынып.
