Алдағы демалыс күндері елімізде күн 35 градусқа дейін ысиды. 19-21 мамыр аралығындағы ауа райына болжам жасаған синоптиктиктер осылай деп отыр.Бұл туралы «Қаззгидромет» РМҚ-ға сілтеме жасап Stan.kz хабарлайды.
Синоптиктердің болжамынша, елімізде 19-21 мамырда антициклон әсерінен барлық өңірде күн жылы әрі жауын-шашынсыз болады. Ал Батыс Қазақстан аумағында күн 35 градусқа дейін ысиды.
«Кіші Азия аймағынан ауа ағымдары Қазақстанның батысына жылжуда. Соның салдарынан ауа температурасы +30…+35 градусқа дейін көтеріледі.
Ал солтүстік, орталық және шығыс өңірлерде демалыс күндері түн суық болғанымен, жексенбіде күндізгі уақытта күн +25+30 градусқа дейін ысиды», – делінеді хабарламада.