Күз – елдің ырысы, құт-берекесі
Табиғаттың әсем сыйы — берекелі күз мезгілі. Осыған орай кенттегі «Жұбаныш-А» бөбекжай-балабақшасында тәрбиешілердің ұйымдастыруымен «Күз - елдің ырысы, құт-берекесі» ертеңгілігі өтті.
Шара барысында балалар мен тәрбиешілер жұптасып, күз мезгілін дәріптеп, ойындар ойнап, би билеп, ән шырқады. Күзді бейнелейтін сары ала жапырақтардың шара барысында үйлесімді қолданылуы, сахнаның безендірілуі көрермен көңілінен шықты. Тәрбиелік мәні бар шара балаларға қызықты әрі көңілді болды. Көрермендер бал тілді балдырғандардың өнеріне сүйсінді. «Алтын күз» мерекелік шарасына балақандар тыңғылықты дайындалыпты.
Аталмыш мерекелік шараның ұрпақты еңбекке, отансүйгіштікке баулу, табиғатты тану, жер ананың қасиеті бойынша дарыту, басқа да игі қасиеттерге тәрбиелеуде орны айрықша.
«Алтын күз» шарасында жас өскіндердің таным-түсінігіне оң әсерін тигізетін мағлұматтар берілді, балғындар өздері жаттаған тақпақтарын айтып, көріністер қойды. Соның ішінде, аталған балабақшаның «Балапан», «Балдырған», «Балдаурен», «Дарын», «Балауса» тобы тәрбиеленушілері «Алтын күз» мерекесіне ерекше дайындалғандарын көрсетті.
Шарада бүлдіршіндер күз мезгіліне арналған сән үлгісін көрсетіп, қолөнер бұйымдары және ас мәзірімен таныстырды. Күз ханшайымы балаларға «Кім шапшаң?», «Жемістер теру» ойындарын ойнатты. Сергіту сәтінде қазақ және орыс тілдерінде жеміс-жидектер, көкөністер туралы жұмбақтарды жаңылмай шешіп, қойылған тапсырмаларға жауап берді.
Байқағанымыздай, мұндай шаралар балаларды жақсылыққа үндеу, игі істерге баулу маңызы зор атаулы мерекелердің мән-маңызын түсінуіне бағыт бермек. Бұл сөзімізді «Жұбаныш-А» балалақшасының меңгерушісі Әсел Ерланқызы да қуаттай түсті.
– Алтынға балайтын күз мезгілінің өзіндік сыйы мол. Күз маусымы келген сайын балаларға оның мән-маңызын, ырзық-несібесін түсіндіру мақсатында түрлі шаралар ұйымдастырамыз. Мұндай шаралар кезінде балалар өздеріне ұнайтын жеміс-жидектер, дәнді дақылдар, көкөністер бейнеленген немесе соларға ұқсастырыла тігілген киім киіп, тақпақ айтып, қойылымдар көрсетеді. Бұл кезегінде жас өскіннің өз туған жердің қасиетін ұғынуға, табиғатты сүюге баулиды, – дейді ол.
Шара соңында балабақша меңгерушісі күзгі көрмеге атсалысқан балаларды марапаттап, ата-аналарға шексіз алғысын білдірді.
Әсел РЗАЕВА
Шара барысында балалар мен тәрбиешілер жұптасып, күз мезгілін дәріптеп, ойындар ойнап, би билеп, ән шырқады. Күзді бейнелейтін сары ала жапырақтардың шара барысында үйлесімді қолданылуы, сахнаның безендірілуі көрермен көңілінен шықты. Тәрбиелік мәні бар шара балаларға қызықты әрі көңілді болды. Көрермендер бал тілді балдырғандардың өнеріне сүйсінді. «Алтын күз» мерекелік шарасына балақандар тыңғылықты дайындалыпты.Аталмыш мерекелік шараның ұрпақты еңбекке, отансүйгіштікке баулу, табиғатты тану, жер ананың қасиеті бойынша дарыту, басқа да игі қасиеттерге тәрбиелеуде орны айрықша.
«Алтын күз» шарасында жас өскіндердің таным-түсінігіне оң әсерін тигізетін мағлұматтар берілді, балғындар өздері жаттаған тақпақтарын айтып, көріністер қойды. Соның ішінде, аталған балабақшаның «Балапан», «Балдырған», «Балдаурен», «Дарын», «Балауса» тобы тәрбиеленушілері «Алтын күз» мерекесіне ерекше дайындалғандарын көрсетті.
Шарада бүлдіршіндер күз мезгіліне арналған сән үлгісін көрсетіп, қолөнер бұйымдары және ас мәзірімен таныстырды. Күз ханшайымы балаларға «Кім шапшаң?», «Жемістер теру» ойындарын ойнатты. Сергіту сәтінде қазақ және орыс тілдерінде жеміс-жидектер, көкөністер туралы жұмбақтарды жаңылмай шешіп, қойылған тапсырмаларға жауап берді.
Байқағанымыздай, мұндай шаралар балаларды жақсылыққа үндеу, игі істерге баулу маңызы зор атаулы мерекелердің мән-маңызын түсінуіне бағыт бермек. Бұл сөзімізді «Жұбаныш-А» балалақшасының меңгерушісі Әсел Ерланқызы да қуаттай түсті.
– Алтынға балайтын күз мезгілінің өзіндік сыйы мол. Күз маусымы келген сайын балаларға оның мән-маңызын, ырзық-несібесін түсіндіру мақсатында түрлі шаралар ұйымдастырамыз. Мұндай шаралар кезінде балалар өздеріне ұнайтын жеміс-жидектер, дәнді дақылдар, көкөністер бейнеленген немесе соларға ұқсастырыла тігілген киім киіп, тақпақ айтып, қойылымдар көрсетеді. Бұл кезегінде жас өскіннің өз туған жердің қасиетін ұғынуға, табиғатты сүюге баулиды, – дейді ол.
Шара соңында балабақша меңгерушісі күзгі көрмеге атсалысқан балаларды марапаттап, ата-аналарға шексіз алғысын білдірді.
Әсел РЗАЕВА
