Басты байлық амандық-саулық!

Жүрегімізге аса ыстық өркенді өңірімнің бүгінгі мерейлі мерекесінде барша жерлестеріммен ізгі тілегімді бөліскім келеді.
Мемлекеттің ең үлкен байлығы – адам және оның денсаулығы. Құдірет қабілет дарытса Айды да бағындырар жұмыр басты пенденің жан сау­лы­ғы жұдырықтай жүрекке байлан­ған. Тәні саудың-жаны сау дейтініміз содан. Тұлғаның өзіне ғана емес, өзі өмір сүрген қоғамға табыс әкелер толыққанды сау-сәлемет қалыптасуы алдымен денсаулыққа деген жанашыр көзқарасынан басталады.
Дәрігер – адам өмірінің арашашысы.Адамзаттың саулығы жолында сан түрлі ізденістерге жол ашқан ел медицинасы үлкен жетістіктерге қол жеткізді. Шетел аспай өз елімізде сан түрлі күрделі оталарды өзіміз жасай­тын халге жеттік. Осы­ның барлығы мемлекеттің медицина саласына ай­рықша қамқорлығының нәтижесі.
Өзім-туып өскен Қосүйеңкінің то­пы­рағынан сүйегіме сіңген төзімділік, табандылық, сертке беріктік қаси­еттер сан сында сүріндірмей мақсат биігіне ұмтылудан жалықпай келе­мін. Атамекеннің жайдары мінезді адамдарының тұла бойынан мен осы бір болмыс-бояуды бүгін де іздеп тұра­мын. Қашан болсын қолұшымды созып, бір қажетіне жарау арқылы перзенттік парызым өтелгендей өзім жан раха­тын табатынымды жасырғым кел­мей­ді. Туған жер халқының әрбір қуанышына ортақпын.
Мерекелеріңіз құтты болсын!

Қайрат НИЕТӘЛІҰЛЫ,
дәрігер-кардиохирург, медицина ғылымдарының кандидаты