Жас кәсіпкер ел игілігіне қызмет етуде

Абдулла Алтый Сүлеймен көшесінің бойына жас кәсіпкер Асан Алкеевтің демеушілігімен арнайы қоқыс тастайтын темір жәшіктер қойылды.

- Қасиетті Құрбан айт мұсылмандар мерекесіне орай Биылғы садақаны осылай жасауды жөн көрдім. Кенттің әрбір азаматы тазалыққа бетұруы керек. Қоқыстар көшеде шашылып жатпай, арнайы жәшіктерге тасталуы керек" деген пікірін білдірген Асан Сұлтанбекұлы жәшіктердің тезарада жасалып бітілуіне үлес қосқан Қалымбетов Дәулет есімді дәнекерлеушіні де айта өтті.

Құрметті Тұрғындар! Ел игілігі үшін аз да болсын көмегім болсын деп тікелей өз қаражатымен бастама жасап жатқан азаматтың өтініші болсын, қоқысты көшеге емес, арнайы жәшікке салып, жүрген жерімізді таза ұстасақ екен!

Аллаға шүкір, кентте білікті кәсіпкерлер жетерлік. Солардың әрқайысы жылына 1 реттен кентке тарту жасаса, нұр үстіне нұр болар еді. Акиматсыз-ақ керегіміз бүтінделіп қалар еді. Әсіресе, осы урно, тазалық мәселесінде ақсап тұрған жайымыз бар. Сондықтан, менмін деген кәсіпкерлер Сауаптан құр қалғыңыз келмей, жақсылықта жарысуды қаласаңыз осындай ерекше бастамалар жасасаңыздар екен...