Жаңа жылдық достық әзіл: Молдахмет Нәлібаевқа!

Қожамберді ауылдық округі экс әкімі Молдахмет Нәлібаевқа!

Туған халқы қалап өзі қойғасын,
Тірлік қылды елмен бірге ойласып.
Айнадай боп асфальт жолдар зулаған,
Көріп отыр ел-жұрт бүгін пайдасын.

Он екі жыл тілін тауып қауымның,
Жайын ойлап жүрдің іні-бауырдың.
Алла үйі – біткен істің төресі,
Күзетіп тұр ар-ожданын ауылдың.

Аяқ судың тапты ақыры амалын,
Көгөріспен көркі кірер даланың.
Кем-кетігін жамап-жасқап әлі жүр,
Айналшықтап қазып кеткен каналын.

Жазығы сол, істің көзін білгені,
Ит тірлікті мойынға бір ілгені.
Жас әкімнің кеңге салып арқаны,
Сол екен ғой футбол қуып жүргені.

Баян ҮСЕЙІНОВА