Адам өмірін апаттан алып шығуда құтқарушылардың еңбегі ұшан-теңіз. Халықтың бейбіт өмірін, тұрмыстағы, өндірістегі қауіпсіздігін қамтамасыз етіп, тосыннан болған апат кезінде азамттарға бірінші болып көмекке ұмтылатын төтенше жағдайлар қызметінің құтқарушылары. Осы кез келгеннің қолынан келе бермейтін мамандықты таңдаған жүректі, білікті, тәжірибелі азаматтарымыздың бірі Жаңақорған аудандық №14 өрт сөндіру бөлімінің өрт сөндіруші-құтқарушысы азаматтық қорғау кіші сержанты Айдар Мурзабеков.
Айдар Ильясұлы орта мектептен соң «Жаңақорған Кәсіптік техникалық училищесінде» кең профильді тракторшы-машинист жүргізуші мамандығы бойынша оқыды. 1999-2000 жылдар аралығында Алматы облысы Қапшағай қаласы Қарулы күштер қатарында әскери борышын өтеп оралды. 2001 жылдың 20 наурызынан бастап облысы Төтенше жағдайлар департаменті «Өрт сөндіру және авариялық құтқару жұмыстары қызметі» мемлекеттік мекемесінің Жаңақорған аудандық бөлімінде қызметке қабылданып, қазіргі таңға дейін осында еңбек етіп келеді.
Отбасында 3 ұл, 3 қыз тәрбиелеп отырған Айдар Ильясұлы қызмет атқару барысында бөлімнің мәдени көпшілік шараларына  және де спорттық жарыстарға белсене қатысып келеді. ҚР ІІМ ТЖК 2015 жылғы 25 мамырдағы №123 бұйрығымен бекітілген «Өрт сөндіру-құтқару дайындығы» жөніндегі тәлімдемесіне сәйкес, өрт сөндіру құтқару дайындығы нормативтерін уақытылы және сапалы орындай отырып, өзінен кейінгі жас қызметкерлерге өзінің мол тәжірибесімен үнемі бөлісіп отырады. Сондай-ақ «Құқық қорғау қызметі  туралы», «Азаматтық қорғау туралы» Заңдарын жақсы менгерген.
Оның қызмет барысында бастан өткерген батыл іс-қимылдары көп. Әсіресе 2021 жылдың 19 қаңтар күні жергілікті уақыт 08 сағат 50 минуттаЖаңақорған ауданы, Кейден ауылдық округінде орналасқан «Жаңақорған Транзит» ЖШС-нің 2 қабатында орын алған өрт оқиғасы кезінде аянбай еңбек етіп, ерекше көзге түсіп, өз қызметінің іскер маманы екендігін көрсетті.
2021 жылдың 14 наурыз күні Жаңақорған ауданы, Қыраш ауылдық округінің тұсында қар құрсауына түскен бағытынан тайған жүк автокөліктерін жолға шығаруда аянбай еңбек етіп, көзге түсті.
2021 жылдың 30 маусым күні Жаңақорған ауданы, Шымкент-Самара автожолының 232 шақырымында Тәжікстан Республикасынан Ресейге қарай бағыт алған 2008 жылы зауыттан шығарылған м/б  ТG 4461 СО 03 «MERCEDES» жүк автокөлігінің тіркемесінде каток тігін жіптерімен тіркемесі толығымен жануы орын алған өртте жүк автокөлігін өрттің жалынынан аянбай еңбек етіп, аман алып қалу барысында ерекше көзге түсті.
Осы жылдың 21 шілдесінде Жаңақорған ауданы, Машбек Нәлібаев ауылдық округіне қарасты, Жаңақорған-Қандөз трассасының оңтүстік шығыс бөлігінде орналасқан «Бақытжан» шаруа қожалығында жиналған жоңышқа шөбі жалынға оранғанда оған жақын орналасқан «Бақытжан» шаруа қожалығының тұрғын үйі мен қора жайларын және басқа да мүліктерін аман алып қалуда ерен іс-қимыл танытты.
Қызметіне адал Айдар Мурзабеков үнемі өзін жақсы жағынан көрсетіп, өз міндетіне жауапкершілікпен қарап бөлім басшылық құрамының тарапынан берілген тапсырмаларды дер кезінде орындайды. Осындайеңбегіне адал, елдің тыныштығы үшін жанын салып қызмет ететін ер азаматтармыз көбейе беруіне тілектеспіз.
Рауза ӘЗІЛХАН