Жалған ақпар жарға жығар
Бүгін бәрі басқаша, ерекше салтанатқа келгендей кейіпте залға кіріп келеді. Қатаң тәртіп қатайтып, тыңғылықты дайындық, өз-өзіне сын көзбен қарау дағдыға енгені байқалады. Алғашқы кездегі жайбасарлық жоқ, жалаң қолмен келу тоқтады. Қалам-қағазын қамдап, киім мәдениетін келтіріп, мәжілістің маңыздылығын елеп, ыждаһатты ықылас олардың түр-жүзінен тебіндейді. Мұны «басшыға бағыну да – құрметтің бір белгісі» деп білдік. Ал, енді іске көшетін кез келді, баршасы президиумға бет бұрды.
