Тұрғындар тілегі назардан түспейді

Президент Қасым-Жомарт Тоқаев халыққа ашық қызмет көрсетуге қажетті барлық коммуникациялық құралдарды пайдалана білуді, сонымен бірге кері байланыс орнатудың ілкімділігі зор екенін айтып жүр. «Осы уақытқа дейінгі оңтайлы реформалардың бәрі жергілікті жерлерге келіп тіреледі. Егер халықпен қоян-қолтық жұмыс атқаратын болса, әкімдіктер көптеген өзекті мәселелерді тиісті деңгейде тез шеше алады. Бұл азаматтардың билік институтына деген сенімін арттырады. Өңір әкімдері халықпен есептік кездесулерде ғана емес, тұрақты негізде кездесіп, барлық елді мекенді аралауға тиіс» дегені көптеген әкімдердің халықпен етене араласып, мәселелеріне бей-жай қарамауға әкелгендей.

Осы қағиданы негізге алған Жаңақорған кентінің әкімі Сардар­мұхамедуали Садықов, аудан­дық мәс­лихат депутаты Жасұлан Амалбеков, кент әкімінің орынбасары Серік Сей­дуалиев және кент әкімдігінің басқа мамандары кенттегі А.Шонабаев көшесінің тұрғындарымен кездесу өткізді.
Кездесу барысында көше тұр­ғындары өздерін толғандырып жүрген мәселелерін жеткізді. Тұрғындар әсіресе жолдың құрылысы, жарық мәселесін шешу үшін трансформатор жетіспейтінін, ауыз су мәселесі, тазалық, сондай ақ, балалар ойын алаңқайын салуға ықпал жасауды сұрады.
Аудандық мәслихат депутаты Жасұлан Амалбеков №125 Садықбек Сапарбеков атындағы орта мектепке баратын жаяу жүргіншілер жолын жарықтандыруды қолға алатындығын жеткізді.
Сонымен қатар елімізде болып жатқан эпидемиологиялық ахуалға байланысты кент әкімі тұрғындарды вакцина алуға шақырып, адам денсаулығы бәрінен маңызды екенін ескертіп, ұжымдық иммунитет қалып­тастыруға шақырды.
Көше тұрғындарының сауалдарына орай кент әкімі аппаратымен қажетті жұмыстар жүргізіліп жатқандығын және алдағы уақытта орындалуды талап ететін, міндеттер бойынша тиісті құжаттары рәсімделіп, бюджет қаржысына сәйкес кезең кезеңімен атқарылатындығын жеткізді.

Айкерім Мәдиқызы