Қызылорда облысында "Жинақ марафоны-2020" байқауы қорытындыланды

Жыл басында басталған "Жинақ марафоны - 2020" байқауы өз мәресіне жетті. Байқау қорытындысы бойынша 4005 тұрғын тұрақты салым жасағанының нәтижесінде Жаңақорған ауданы жеңімпаз деп танылып, салтанатты марапаттау шарасы өткізілді.
Аудан халқын құттықтауға және марапаттауға "Қазақстанның тұрғын үй және құрылыс жинақ банкі" АҚ Қызылорда филиалының директоры Әділжан Саулебаев қатысты.
"Депозит ашудан бастап несие рәсімдеп баспаналы болғанға дейін түсіндірме жұмыстарын жүргізудің нәтижесінде Жаңақорған ауданы бойынша "Бақытты отбасы" бағдарламасы аясында 25 отбасы баспаналы болса, "Нұрлы жер" бағдарламасымен 11 отбасы қоныс тойын тойлады. Ал облыс көлемінде жыл басынан бері 1200 қызылордалық тұрғын үй жағдайын жақсартты" деді Әділжан Саулебаев.

Жаңақорған ауданы әкімдігі