Ерікті жастар 10 дана пульсоксиметр табыстады

"Жаңарған Жаңақорған жастары" қоғамдық қоры ауданда қалыптасқан эпид ахуалға байланысты сауапты іске ұйытқы болды. Қоғамдық қор атынан 260 мың теңгеге 10 пульсоксиметр сатып алып, аудандық аурухана мен жұқпалы аурулар бөліміне және провизорлық орталыққа апарып табыстады. Осыған дейін де "Жаңарған Жаңақорған жастары" қоғамдық қоры, аудандық орталық мешіт және "Нұрлы шуақ" әйелдер ұйымының бастамасымен 5 оттегі концентратор аппаратын табыс еткен болатын.
Сондай-ақ ерікті жастар жаңақорғандық жомарт жандар Жақсат, Баққали, Асылбек, Серік, Бақыт, Бақытжан, Ерлан бастаған игі жақсылардың аманаттаған құны 450 мың теңге тұратын оттегі концентранты аппаратын аудандық аурухананың жансақтау бөліміне табыстады.

Жазба авторы Қожа Ахмет Тұрсынов