Қазақстандықтар міндетті әлеуметтік медициналық сақтандыруға қанша ақша аударады
Қазақстанда 2020 жылдың 1 қаңтарынан бастап міндетті әлеуметтік медициналық сақтандыру жүйесі іске қосылды. Халықтың 94,5%-і әлеуметтік медициналық сақтандыру жүйесімен қамтылатын болады, ал 5,5%-і – өзін-өзі жұмыспен қамтушылар.
Аталған сақтандыру жүйесіне сәйкес, жарна төленетін ең жоғарғы шек – 425 мың теңге немесе ең төменгі 10 жалақы. Бұл жалдамалы жұмысшыларға да, азаматтық-құқықтық келісім бойынша жұмыс істейтін азаматтарға да қатысты. Яғни жыл сайынғы төлем 60 мың теңгеден аспайды.Денсаулық сақтау министрлігі 2020 жылдың 1 қаңтарынан төленетін жарна мен төлемнің мөлшерін бекітті:
- жұмыс берушілер үшін – жалақы қорының 2%-і;
- жұмысшылар үшін – еңбекақының 1%-і;
- жеке кәсіпкерлер, шаруа қожалықтары, жеке практикамен айналысатын тұлғалар – 1,4 ЕТЖ-нің (ең төменгі жалақы) 5%-і;
- азаматтық-құқықтық сипаттағы келісімшартпен жұмыс істейтіндер – табысының 1%-і;
- өздігінен төлеушілер – 1 ЕТЖ-нің (ең төменгі жалақы) 5%-і.
- Ал жеңілдікке ие азаматтардың 15 санатына мемлекет жарнаны қорға ең төменгі жалақының 1,4%-і мөлшерінде өзі аударады.
Жаңа жүйеде кепілдендірілген тегін медициналық көмектің келесі түрлері сақталады:
- алқашқы медициналық-санитарлық көмек;
- скринингтер;
- жүкті әйелдерді қарау;
- балаларды үйде бақылау;
- созылмалы ауруы бар науқастарды бақылау (25 түрлі ауру);
- әлеуметтік маңызы бар ауруларға шалдыққандарды бақылау (туберкулез, ВИЧ-инфекция, психикалық аурулар, қатерлік ісіктер);
- шұғыл емдеуді қажет ететін кез келген аурулар;
- басқа адамдарға қауіп төндіретін инфекциялық ауруларды емдеу.
Ал басқа медициналық қызметтер, соның ішінде қымбат шаралар міндетті әлеуметтік медициналық сақтандыру аясында жасалады.
