Бердібек Сапарбаев Премьер-министрдің орынбасары қызметіне тағайындалды

Бұл жөнінде Ақорданың баспасөз қызметі хабарлады.
"Бердібек Машбекұлы Сапарбаев Қазақстан Республикасы премьер-министрінің орынбасары болып тағайындалсын, ол Еңбек және халықты әлеуметтік қорғау министрі қызметінен босатылсын", –деп жазылған Тоқаевтың жарлығында.
Бұған дейін вице-премьер қызметін Гүлшара Әбдіқалықова атқарған болатын. Ол депутат мандатын алды.
Айта кететіні, Бердібек Сапарбаев мемлекеттің дамуына үлес қосқан тұлға ретінде белгілі. Қызылорда, Шымкент, Шығыс Қазақстан және Ақтөбе облысының әкімі қызметін абыроймен атқарды. Екі рет Еңбек және халықты әлеуметтік қорғау министрі болды. Енді Премьер-министрдің орынбасары ретінде Қазақстанның өркендеуіне үлес қоспақ.
Жерлес тұлғаға қызметте табыс тілейміз.