Халықаралық Олимпиада Комитетінің (ХОК) "Олимпиадалық ынтымақтастық" бағдарламасы аясында "Токио-2020 олимпиадалық шәкіртақысын" қазақстандық 6 боксшы алатын болды. 
        "Олимпиадалық ынтымақтастық" - Халықаралық Олимпиада Комитетінің олимпиадалық қозғалысты дамытуға арналған бағдарламасы аясында ұлттық федерациялар ұсынған шәкіртақыға үміткер спортшылар арасынан Қазақстан Ұлттық Олимпиада комитеті халықаралық ұйымға 24 спортш ұсынған болатын. Бұл қаржылық қолдау спортшылардың Олимпиада ойындарына дұрыс жаттығуын қамтамасыз етуге арналған. Боксшылар арасында бұл шәкіртақыға 2017 жылғы әлем чемпионы Қайрат Ералиев, Рио Олимпиадасының жүлдегерлері Василий Левит пен Дариға Шәкімова, 2017 жылғы әлем және Азия чемпионатының жүлдегері Абылайхан Жүсіпов пен Әбілхан Аманқұл, екі дүркін әлем чемпионы Назым Қызайбай ие болды.

Дереккөз: Massaget.kz