ТҰҢҒЫШ ОЛИМПИАДАҒА ҚАТЫСҚАН ЖЕРЛЕСІМІЗ ҚАЙДА ЖҮР?
Естеріңізде болса 2008 жылы Бейжің қаласында өткен Жазғы Олимпиада ойынына жаңақорғандық балуан қатысқан болатын. Ол Бірлік ауылының тумасы – Жасұлан Мұхтарбекұлы. Еркін күрестен жеңіл салмақта сынға түскен жерлесіміз жарақатына байланысты жүлдеден қол үзіп қалған болатын.
Иә,Тәуелсіздік алған уақыттан бері тұңғыш Жаңақорғаннан олимпиада ойындарына қатысқан балуан бүгін қайда жүр? Ол бүгінде Алматы қаласында тұрады. Жасұлан күрестен қыздар құрамасының бапкерлік тізгінін ұстапты. Ол олимп шыңына салып кеткен сара жолды жаңақорғандық інілері жалғап келді. Осы орайда, Жасұланның тұңғыш жаттықтырушысы Қайрат Оралбековтың еңбегін ерекше атай кеткен жөн. Ауданның ғана емес, ел мақтанышы болған балуанның шәкірттері тек биіктерден көрінуне тілекшіміз.
