ҚҰНАНБАЙ ҚЫЗДАРЫНЫҢ ҚАРҚЫНЫ КҮШТІ

Жаңақорғандағы өрісі кеңейіп келе жатқан спорттың бірі гандбол болып саналады. Ауданның қыздар командасы облыста үздік үштікте жүрген мықтылар. Облыс орталығының бұрымдылары болмаса қалған командалардан бәсі биік гандболшы қыздармен біз мақтанамыз. Осы орайда осы спорттың дамуына үлес қосып жүрген, білікті бапкер Құнанбай Салыбековтың еңбегін ерекше атап өтпеске болмас. Жас болса да жігерлі жаттықтырушының жалынды шәкірттері аудан абыройын асқақтап жүр. 
Бір ескертетіні Жаңақорған командасының толық құрамы Келінтөбе ауылының тумалары. Бір ғана ауылдан шыққан қара көздердің осынша жетістікке жетуі намыспен бапкердің жемісі деп баға беруге болады. Жеңісті күндерде жолыққанша.