Жас құтқарушылар жарысы

Жаңақорған ауданының Төтенше жағдайлар бөлімі мен №14 өрт сөндіру бөлімі және Жаңақорған жастар ресурстық орталығы білім бөлімімен бірлесе мектеп оқушылары арасында «Жас құтқарушы – 2024» аудандық сайысын өткізді. Жаңарық ауылындағы денешынықтыру спорт кешені базасында ұйымдастырылған жарыс жылдағыдан жоғары деңгейде өрбіді.

Сайысқа 4 команда қатысып, үздік­терді анықтады. №167 орта мектебі­нен «Қыран» және «Ұлан» командасы, №192 орта мектептен «Сұңқар» және №221 орта мектебінен «Құтқарушылар» командасы сайысқа түсті. Алдымен қатысушы командалар сапқа тұрғызы­лып, Әнұран шырқалды. Жаңақор­ған ауданының Төтенше жағдайлар бө­лімінің аға инженері, азаматтық қорғау капитаны Шыңғыс Байділдаұлы, №167 мектептің алғашқы әскери жә­не технологиялық дайындық пәні оқы­тушы-ұйымдастырушысы Ағайдар Бе­гайдарұлы, №192 мектебі алғашқы әскери және технологиялық дайындық пәні оқытушы-ұйымдастырушысы Арман Алғибайұлы салтанатты жиынды ашып, қатысушыларға сәттілік тіледі.
Сайыс бағдарламасы бойынша бі­рінші кезекте топтың атын таныстыру кезеңі өтті. Одан кейін команда мүшелері сұрақ-жауап викторинасы, жауынгерлік киім кию сайыс, өрт сөндіру эстафетасы, арқан байлау, жалпы әскери қорғаныш жиынтығын кию, алғашқы дәрігерлік көмек, кермеде тартылу жәнен шалқалап жатып денені көтеру бойынша сынға түсті. Сайыстың төрешілер құрамын­да, бас төреші – Төтенше жағдайлар бөлімінің аға инженері Шыңғыс Жәдіков, Төтенше жағдайлар бөлімінің инженері Азамат Қорғанбаев, №14 өрт сөндіру бөлімінің бөлімше командирі Алшын­бай Оразбеков және №14 өрт сөндіру бөлімінің өрт сөндіруші-құтқарушысы Бақберді Нәжім сайысқа қазылық етті.
Сонымен «Жас құтқарушы – 2024» аудандық сайысына қаты­сушы командалар төмендегідей орын­ға тұрақтады. 1-орынды «Сұңқар» коман­дасы, (жетекшісі Арман Егем­бердиев). 2-орынды «Құтқару­шылар» командасы, (жетекшісі Бақытжан Нұр­мышов). 3-орынды «Ұлан» командасы, (жетекшісі Ағайдар Мадалиев) иеленді. Сайыстың қорытынды бөлімінде жал­пы командалық жүлделі орын алған жеңімпаз командалар мен үздік нәти­же көрсеткен оқушылар Жаңақорған ауданы бойынша Төтенше жағдай­лар бөлімінің арнайы дипломдарымен, медальдарымен марапатталды.
– 2023 жылғы 18 мамырда Қызылор­да облысының «Жас құтқарушы» клуб­тарының арасында облыстық слет өткізілген болатын. Аталған слетке қала және аудандарда өткен сайыста үздік деп танылған командалар қатысты. Олардың қатарында Жаңақорған ауданы білім бөліміне қарасты №167 мектеп командасы бар.
– 2023 жылдың 1 маусым күні слет жүлдегерлері арнайы дипломмен, ме­дальдармен, бөлім бастығының Алғыс хаттарымен, естелік сыйлықтарымен марапатталған болатын. Биыл да оқу­шылар облыстық сайыста бақ сынайды, – деді Шыңғыс Байділдаұлы.
Айта кететіні, бөлімде «Ашық есік күні» өтіліп, болашақ құтқарушыларға практикалық дәріс беріліп, үгіт-насихат жұмысы жүргізілді.
Жаңақорған ауданы білім бөліміне қарасты мектеп оқушылары арасын­да өткен «Жас құтқарушы» спорттық сайысының басты мақсаты – балалар және жастар арасында салауатты өмір салтын кеңінен дәріптеу, төтенше жағдайлардың туындау қауіпі төнген кезінде жеке және ұжымдық қауіп­сіздік мәселесіне саналы және жау­апты көзқарасты қалыптастыру. Сон­­дай-ақ балалар мен жастарды қол­дан­­балы спорт түрімен шұғылдануға тарту, сондай-ақ жасөспірімдерді әс­ке­ри-патриоттық тәрбиелеу және «құт­қарушы» мамандығын насихаттау болып табылады.

Төтенше жағдайлар бөлімі