Лопестің шыңы
Күні кеше – 2 тамызда Олимпиада ойындары тарихында жаңа рекорд тіркелді. Бұған дейін бұл биіктік Александр Карелинге тиісілі еді.Ол Сеул, Барселона, Атланта Олимпиадасында атой салса, Сиднейде күміс медальды еншілеген еді.
Карелиннен кейін грек-рим күресінің аса ауыр салмағына кубалық Михаин Лопестің бәсі биік болды. Оның дәлелі, 2008-2021 жылы өткен Пекин, Лондон, Рио-де-Жанейро, Токио Олимпиадасында қарсылас шақ келтірмеді.
Лопес Токио боз кілемінде ақтық сында грузиялық Якоба Каджаяны 5:0 есебімен басым түсіп, күрес тарихында тұғырын қозғау өте қиын меже белгілеп берді.
Сөйтіп, грек-рим күресінде 130 келідегі теңдесіз спортшы екенін дәлелдеді.
Бұған дейін Карл Вестергрен мен Александр Карелин Олимпиада ойындарының биік тұғырына 3 реттен көтерілген еді.
Нұрлат БАЙГЕНЖЕ
