Медаль жинағыштар
Расында, Олимпиада ойындарының тарихында медаль жинағыштар кездеседі. Осындайда әжемнің: "Медальмен үй сала ма?" деген сөзі еске түседі. Әрине, медаль санымен үй тұрғызу мүмкін болмас. Алайда тарихта өшпес ісі, ерлігі қалады. Сонымен, Токио Олимпиадасы кезінде медаль алған рекордтық көрсеткіштерді бір еске алсақ.
Рекорд америкалық жүзгіш Майкл Фелпске тиесілі.
Ол 2004-2016 жылы Афина, Пекин, Лондон, Рио-де-Жанейро өткен Олимпиада ойындарында 23 алтын, 3 күміс, 2 қола медаль жинады. Фелпс әлем елдерінің құрама командасы жинай алмаған медальға ие.
КСРО спортшысы Лариса Латынина Мельбурн (1956) және Токио (1964) Олимпиадасында жалпы 18 медаль, оның ішінде 9-ы алтын, 5-і күміс, 4-і қола медель болды. Гимнастика тарихындағы рекордты ешқандай спортшы бағындыра алмай келеді.
Олимпиада ойындарында жеңіл атлетикадан медель алу рекордты Пааво Нурми "байланған". Бұлай айтуымыздың сыры – Пааво бағындырған рекордтық көркеткіш 90 жылдан астам уақыттан бері ешқандай спортшы қайтала алмай келеді. Фин жеңіл атлеті 1920 жылы Антверпен Олимпиадасында 3 алтын, 1924 жылы Париж Олимпиадасында 5 алтын, 1928 жылы Амстердам Олимпиадасында 1 алтын медель алады.
Одан бөлек, ол 800 м (1.56,3), 1000 м (2.32,2), 1500 м (3.52,6), 2000 м (5.24,6), 3000 м (8.20,4), 5000 м (14.28,2), 10 000 м (30.06,2), 15000 м (46.49,6), 20 000 м (1:04.38,4), марафон (2:22.03,8) әлемдік рекорд орнатты.
Фин желаяғы әлемдік 22 ресми және 13 бейресми рекорд тіркеді.
Айтқым келгені, Токио Олимпиадасында осындай рекордтық көрсеткіштер тіркеле ме? Біз осыған зер салып отырмыз...
(Суреттегі фин желаяғы Пааво Нурми.
Сурет интернет көздеріне алынды)
Нұрлат АЙТЖАНҰЛЫ
