ГРЕК-РИМ: ЕКІНШІ КҮННІҢ НӘТИЖЕСІ

Елорда төрінде өтіп жатқан күрес түрлерінен Әлем чемпионатының екінші күні қазақ балуандары үшін сәтті аяқталды деуге келмейді. Үміт артқан балуандар жарыстан ерте шығып қалса, тек Асхат Ділмұхамедов мен Мейрамбек Айнағұлов қола үшін белдеседі. 
Асхат жартылай сында қарсыласы болгарлық Тамашу Лоринцуге 1:1 есебімен есе жіберді. Соңғы әдісті қарсыласы жасап, қазақ балуаны қола үшін белдесуге жолдама алды. 
Ал 60 келіде бозкілемге шыққан Мейрамбек те жартылай сында сүрінді. Ресейлік Сергей Емелинге 8:0 есебімен жеңілген ол да ертең қола жолында өнер көрсетеді.
Өкініштісі сол, өз жерімізде өтіп жатқан Әлем чемпионатында балуандар алтынмен қуанта алмады. Енді еркін күрес балуандары мен қыздардан зор үміт күтетін боламыз. Сәттілік!