Елімізде 9 мыңнан аса адам коронавирустан емделіп жатыр

Денсаулық сақтау министрлігі коронавирус жұқтырғандар бойынша бүгінгі дерекпен бөлісті, деп хабарлайды Egemen.kz сайтына сілтеме жасап zhanaqorgan-tynysy.


Қазіргі уақытта коронавирустық инфекциядан 9 162 адам ем қабылдауды жалғастыруда. Олардың арасында 458 бала бар. Стационарларда 3 041 науқас жатыр. 6 121 адам амбулаториялық жағдайда емделуде.
Жалпы науқастардың арасында 217 адамның ахуалы нашар. Соның ішінде 22 науқастың ахуалы аса қатты ауыр деп бағалануда. 23 науқас өкпені жасанды желдету аппаратында жатыр.