Бұл жайсыз жәйт Әзірбайжан компартиясы Орталық комитетінің бірінші хатшысы Міржапар Багировке жетеді. Ол мәселенің мән-жайын білу үшін құрылыс алаңына өзі барып, тұтқындармен тілдеседі. Тұтқындар цементтің сапасыз екенін, сол себепті жұмысты жалғастыра алмайтындарын айтады. Аң-таң болған Багиров:

"Сендер тұтқынсыңдар. Цементтің сапасына бас қатырып нелерің бар? Жұмысты жалғастырыңдар", - дейді. Сонда тұтқындар: "Біз барша неміс халқының атынан жұмыс істеп жатырмыз. Сондықтан істеген ісімізде кемшілік болмау керек", дейді. Мұндай жауапқа тәнті болған басшы құрылысқа ең сапалы цементті жеткізуді тапсырған екен.