Жақсы басшы

1934-1937 жылдары Жамбыл уездік партия комитетінің  хатшысы болған Сыдық Алдабергенов  адамгершілігі  зор, кісілігі мен ұлттық дәстүрлерді ұстана білген азамат екен. Оның  кезінде айтқан сөздері көпке өнеге  болып  қалған екен. Соның бірі туралы Баукең былай дейді: «Ол кісінің аузынан мен тұңғыш рет « бақытты деп ерікті адамды ғана айтамыз» деген сөзді есіттім.
Оның көкпар тартуға рұқсат етіп, діни әдеп деп шошына қарамай, біздің үйде  дастарханға бата жасағанын да, ойлы, мұңды жанарын да ұмытқаным жоқ. Кейін білдім, ол біздің өңірдегі абақтыға түсіп, Сібірде айдауда болған  тұңғыш білімді күрескер екен... 
P.S. «Жақсының артынан сөз ереді, жаманның артынан бөз ереді» деген сөз осындайда айтылса керек.