«Татуласу:сотқа дейін, сотта» жобасы аясында татуласу рәсімдерін насихаттады

Жаңақорған аудандық сотының халық арасында дауларды соттан тыс реттеудің жолдарын насихаттау мәселесі бойынша жұмыс жоспарын орындау мақсатында таратпа материалдар әзірленіп, сотқа келушілерге таратылды.

Түсіндіру жұмыстарын жүргізу барысында аудандық соттың ұжымы «Бітімге келмей дау бітпес» дегендей елімізде қаншама адам соттың әуресімен жүр. Азаматтық істердің артуы сот қызметкерлерінің де жүгін көбейткенін, сондықтан құзырлы орган «Татуласу: сотқа дейін, сотта» атты жобаны қолға алғанын, ол бойынша ұсақ дау-дамайларды медиация тәртібімен шешуге басымдық берілгенін айтып өтті.
Сотқа келушілерге таратылған таратпа материалдарды татуластыру рәсімдерінің түрлері, олардың қолданылу аясы, медиация, партисипативтік келісім жасаудың тиімділіктері кеңінен түсіндірілген. Сондай-ақ, татуласу рәсімдері бойынша көмек көрсететін «Татуласу орталығы», кәсіби және кәсіби емес медиаторлар жайлы мәліметтер қамтылған.
Аудандық сот аталған шара халық арасында дауласушылық деңгейін төмендетуге өз септігін тигізеді деп санайды.

Қайнар: Жаңақорған аудандық сотының баспасөз қызметі