Сот қарыз ақшаны өндіру туралы талап арызды қанағаттандырды
Жаңақорған аудандық сотында талап қоюшы «Қазақтелеком» АҚ талап арыз беріп, онда жауапкер Т.-дан пайдаланған телефон қызметіне қарыз сомасы 9 435 теңге және талап қоюшымен төленген мемлекеттік баж алымын өндіруді сұраған.
Іс құжаттарынан анықталғандай, жауапкер Т. байланыс қызметін пайдаланғаны үшін «Қазақтелеком» АҚ-на 9 435 теңге қарыз болған.Жауапкерге бірнеше мәрте қарызын төлеу туралы талапкер тарапынан хабарламалар жолданған, алайда жауапкер қарыз сомасын уақытылы төлемеген.
Сот аталған істі оңайлатылған іс жүргізу тәртібімен қарауды ұйғарып, талапты толығымен қанағаттандыру туралы шешім қабылдады.
Соттың шешімімен талап қоюшы «Қазақтелеком» АҚ, жауапкер Т.-дан 9 435 теңге қарызды және мемлекеттік баж шығыны 283 теңгені өндіру туралы талап қою арызы қанағаттандырылды.
А.Оразбаева,
Жаңақорған аудандық сотының маманы.
Пікір 2