Жаңақорған аудандық сотында әкімшілік істер қаралды
Жаңақорған аудандық сотында құқық бұзушылар А мен М-ке қатысты Қазақстан Республикасы ӘҚБтК-нің 613 бабының 1 бөлігімен қозғалған әкімшілік құқық бұзушылық туралы істер қаралды.
Қазақстан Республикасы ӘҚБтК-нің 829-9 бабының 1 бөлігінің 5 тармақшасына сәйкес, сот әкімшілік құқық бұзушылық туралы істі, шағымды, наразылықты қарауға дайындау кезінде егер осы істі, шағымды, наразылықты қарау өзінің құзыретіне жатпаса, әкімшілік құқық бұзушылық туралы хаттаманы және істің басқа да материалдарын, шағымды, наразылықты ведомстволық бағыныстылығы бойынша қарауға беру туралы шешім қабылдайды.
Осы әкімшілік құқық бұзушылық туралы істі қарау барысында, Кодекстің 685 бабының 1 бөлігінің негізінде, бұл іс ішкі істер органдарының қарауына жататыны анықталды.
Соттың 15 қаңтар 2018 жылғы ұйғарыммен құқық бұзушылар А мен М-ке қарсы Қазақстан Республикасы ӘҚБтК-нің 613 бабының 1 бөлігімен қозғалған әкімшілік құқық бұзушылық туралы істер ведомстволық бағыныстылығы бойынша Жаңақорған аудандық ішкі істер бөлімінеқарауға берілді.
А.Оразбаева,
Жаңақорған аудандық сотының жетекші маманы.
