Скринингтің қандай түрлері бар?

Онкологиялық аурулардың алдын алу бағытында жүретін тексерудің бұл түріне қанайналымы жүйесінің негізгі аурулары (артериалды гипертония, жүректің ишемиялық ауруы), қант диабеті, әйелдер арасындағы жатыр мойнының қатерлі ісігі мен сүт безінің ісікалды және қатерлі ісігі, глаукома, тік және тоқ ішектің қатерлі ісігі, өңеш, асқазан, бауыр және еркектік безінің ісікалды, қатерлі ісігі, В және С созылмалы гепатиті жатады.

Оның ішінде қауіптілігі жоғары топқа жататын 40 пен 70 жас аралығындағы әйелдер сүт безі обырының алдын алу үшін маммографиялық тексеруден өту тегін. 30 бен 70 жас аралығындағы әйелдер жатыр мойны қатерлі ісігіне тегін тексеріледі. Сонымен қатар, 50 мен 70 жас аралығындағы ерлер де, әйелдер де тоқ ішек пен тік ішек обырына ақысыз тексеріледі.