Ізәтілла НӘРЗІЛДАЕВ,
еңбек ардагері, ауданның «Құрметті азаматы»:



52 ЖЫЛДАН БЕРІ АУДАН АЙНАСЫМЕН БІРГЕМІН

  1966 жылдан бері төл басылымның тұрақты оқырманымын. Содан бері газет атауы талай рет өзгерсе де танымдық дүниелері мен мазмұнды мақалалары кеміген емес. Қайта рухани тұрғыда тынысымызды кеңейтіп келеді. Өңірдегі өзекті жаңалықтарды, елдегі елеулі оқиғаларды халыққа ұсына білген басылымның берері мол. Әсіресе, ардагерлерді ардақтап, олардың өмір жолын жас ұрпаққа өнеге етіп дәріптеп отыратын газеттің төрімізде тұрары ақиқат.
Бүгінде жақсылықтың жаршысына айналған «Жаңақорған тынысы» жаңашыл түрде әрленіп, заманауи келбеті кескінделіп келеді. Сондықтан, тарих пен келешекті жалғайтын алтын көпір ретінде газетке құрмет білдіріп, үнемі оқырманы болуға шақырамын!