Ортақ пайдалану орнын ластағаны үшін әкімшілік жауаптылыққа тартылды

Жаңақорған аудындық сотында азамат Ж.-ға қатысты Қазақстан Республикасы ӘҚБтК-мен жинақталған әкімшілік іс қаралды.
Сотта анықталғандай құқық бұзушы Ж. қоғамдық орында темекі шегіп, қалдығын сол жерге тастап, ортақ пайдалану орнын ластап, Қазақстан Республикасы ӘҚБтК-нің 434-бабының 1-бөлігінде көрсетілген ұсақ бұзақылықты  жасаған.
Сотта құқық бұзушы Ж өз кінәсін толық мойындап, жасаған әрекетіне өкінетінін, өзі жұмыссыз екенін, бес балалары бар екенін көрсетіп, жеңіл жаза тағайындауды сұрады.
Сот қаулысымен құқық бұзушы Ж.-ға Қазақстан Республикасы ӘҚБтК-нің 434-бабының 1-бөлігінде көрсетілген әкімшілік құқық бұзушылықты жасағаны үшін кінәлі деп танылып, оған салынатын 5 айлық есептік көрсеткіш мөлшеріндегі 12 025 теңге айыппұл сомасы 30 пайызға қысқартылып, 8 418  теңге айыппұл салынды.
Жаңақорған аудандық сотының бас маманы Г.Жүсіпалиева.