Қазақстандық «Хатико»: Ақмола облысында ит қайтыс болған иесін аурухананың алдында екі апта бойы күтуде 

Екі апта бұрын Степногорск қалалық ауруханасына егде жастағы ер адам ауыр жағдайда түскен. Жан сақтау бөлімінде жатқан ол бірнеше күннен кейін қайтыс болып кетіпті. Жедел жәрдем көлігінің ізімен жүгіріп келген ит сол күннен бері иесін күтіп, ешқайда кетер емес. 

«Ит ешкімге үрмейді, тиіспейді. Тек ауруханадан шыққан адамдардың бәрін мұқият бақылауда», – дейді дәрігер Тимур Әлібаев. 

Аурухана қызметкерлерінің болжамынша, бұрығы иесі өзі жалғыз тұрған. Демек марқұмның итін өз қамқорлығына алғысы келетін жақыны жоқ. 

Ендігі аурухана қызметкерлері иесін күткен адал ит қаңғыбас болып кетер ме деп алаңдаулы.