Жаңақорған аудандық сотында сотталушы Е., қатысты Қазақстан          Республикасы ҚК-нің 296-бабының 4-бөлігімен қылмыстық іс қаралды.
         Сотта анықталғандай, 2 мамыр 2018 жылы Қызылорда облыстық ІІД-нің қызметкерлерімен жүргізілген жедел іс-шаралар барысында «Батыс Европа - Батыс Қытай» тас жолының Жаңақорған шеп бекетінде «VAN HOOL» үлгісіндегі автобусы тоқтатылып, қызметтік итті қолдану арқылы тексеру жүргізілген, нәтижесінде сотталушы Е. қол сөмкесінен түссіз полиэтилен пакетке салынған өткізу мақсатынсыз заңсыз иемденіп, сақтап, тасымалданып жүрген аса ірі мөлшердегі салмағы 2,71 грамм болатын есірткі құралы «Героин» анықталған.
Сотта сотталушы Е., өзіне тағылған айыпты мойындап, жасағанына шын ниеттен өкінетінін көрсетті.
22 маусым 2018 жылғы сот үкімімен сотталушы Е., Қазақстан Республикасы ҚК-нің 296-бабының 4-бөлігімен кінәлі деп танылып, 3  жыл 6айға бас бостандығынан айыру жазасы тағайындалып және Қазақстан Республикасы ҚК-нің 60-бабының және 72-бабының 7-бөлігінің 3-тармағының негізінде, үкімдердің жиынтығымен осы үкіммен тағайындалған жазаға Қызылорда қалалық сотының 2 ақпан 2010 жылғы үкімімен тағайындалған жазаның өтелмеген бөлігін ішінара қосу жолымен түпкілікті жаза ретінде 4 жылға бас бостандығынан айыру жазасы тағайындалды.
Үкім заңды күшіне енбеген.
        
         Жаңақорған аудандық сотының маманы А.Нысанбаева