Сексен мен тоқсан

Бізде сексенге жеткен шалдар болдған, қазір де бар. Олар да екіге бөлінеді. Сексенге алжымай барған шалдарды қазақтар «сексендегі семсердей» дейді. Бұл мақтағаны. Екінші, «сексендегі серкедей»деген сөз бар. Серке қой бастайды ғой, қартайсаң да жұртты бастап жүрсің деген сөз бұл.
Тоқсан да жасаған  кісілер бар.Тоқсандаңғы шалды қазекең «тегін емес» деп әулие тұтқан. Алжымай «сіз, біз» деп отырса, «тоқсандағы торқадай» деп мақтаған.Алпысқа келмей алжыған мен тоқсандағы торқадай дегеннің қанша айырмасы бар? Әрине  менің жасымда  бабаларым алжыған емес, ақыл-есін жоғалтқан емес. Ол заманның жағдайы, тұрмысы,,шаруасы, дүниетанымы бөлек.