Сыр бойы түкі дүниесінің түпкі қазығы деп Қызылордаға құрметпен қарап, қонақжай құшағына асығып, жететін айтулы мейман аз болмайды. Бірде қасиетті Қармақшы топырағының түлегі Камал Ормантаев ертіп Салық Зиманов, Төрегелді Шарманов келді. Үш академик қаз-қатар отырғанда қазақ ғылымын тұтастай өздерімен бірге ала келгендей әсер етті. Сондай зиялы заңгер болса да сөз зергерінен кем түспейтін сексендегі Салық ағамыз шешіліп бір сөйледі.
– Елу жаста өзімді тани бастадым. Алпыс жаста ақылым кіре бастады. Жетпіс жаста аспанмен тілдесе бастадым. Бұл батырдың емес бидің жасы. Жетпіс жаста көңілім өзгерген жоқ, көйлегім өзгерді. Сексен жаста дүнием өзгерген жоқ, күйім өзгерді. Құлдық дедім, бірақ құл болмадым, – деп еді.
Қандай құдыретті сөздер десеңізші.

Қаныбек ӘБДУОВ.