15 ЖЫЛЫ ТЕМІР ТОРДА ӨТЕДІ

Алматы облысында сегіз жасар баланы азаптап өлтірді делінген тәрбиешіні сот кінәлі деп тауып, 15 жылға бас бостандығынан айырды. Оған қоса, Мейіргүл Жалымова жәбірленуші тарапқа 3 миллион теңге өтемақы төлейтін болды.

Өтемақыны төлеу үшін судья келіншектің туыстарына 2 ай уақыт берді. Кері жағдайда, мәжбүрлі түрде бүкіл мүлкі саудаға шығарылады деді. Негізі сұралған өтемақы бұдан он есе көп болатын. Алайда, сот әйелдің кәмелетке толмаған үш қызы барын ескеріп, соманы он есеге қысқартып тастады. Десе де, атышулы іс мұнымен аяқталмайын деп тұр.
Алайда, Жалымованың туған әпкесі енді интернаттағыларды сотқа беремін деп отыр. Айтуынша, мүгедек балаларға жасайтын түрлі әрекеттерін жасырып қалу мақсатында бәрі де ауызбастырық ұсыныпты.
Үкіммен келіспеген тарап апелляцияға жүгінді. Сондай-ақ мүгедек балаларға арналған интернатқа қарсы істі бастауға кірісіп те кетті.