Жаңақорған аудандық сотымен ұсақ бұзақылық жасағаны үшін айыппұл тағайындады
Жаңақорған аудандық сотында 17 қаңтар 2018 жылы азамат И-қа қатысты Қазақстан Республикасы ӘҚБтК-нің 434-бабының 1-бөлігімен жинақталған әкімшілік ісі қаралды.
Құқық бұзушы И. 12 желтоқсан 2017 жылы сағат 12:00 шамасында Жаңақорған кенті М.Көкенов көшесінің бойындағы «Нұрасыл» базарының ішінде, яғни қоғамдық орында темекі шегіп, қалдығын сол жерге тастап, айналасындағыларға сыйламаушылық білдіріп, ұсақ бұзақылық жасаған.Сот отырысында құқық бұзушы И. кінәсін мойындап, өкініп кешірім сұрады.
Соттың қаулысымен құқық бұзушы И. Қазақстан Республикасы ӘҚБтК-нің 434-бабының 1-бөлігінде көрсетілген әкімшілік құқық бұзушылықты жасағаны үшін кінәлі деп танылып, оған осы баппен бес айлық есептік көрсеткіш мөлшерінде 11 345 теңге айыппұл салынған.
Б.Қалдыбаев,
Жаңақорған аудандық сотының бас маманы.
