Жаңақорған аудандық сотында әкімшілік іс медиация тәртібімен тоқтатылды

Жаңақорған аудандық сотында азаматша Т.-ға  қатысты Қазақстан Республикасы ӘҚБтК-нің 73-1 бабының 1 бөлігімен қозғалған әкімшілік құқық бұзушылық туралы іс қаралды.
Сотта, құқық  бұзушы  Т.-ның інісінің үйінде келіні П.-мен сөзге келіп қалып, оны ұрып-соғып, денсаулығына қасақана жеңіл зиян келтіргені анықталды
Сотта қарау барысында құқық бұзушы Т. кінәсін мойындап, келіні П.-дан кешірім сұрап, онымен татуласуына байланысты, әкімшілік істі қысқартуды және әкімшілік жауаптылықтан босатуды сұрады. Сот отырысында жәбірленуші П. аталған оқиға бойынша жұбайының әпкесі Т.-ға кешірім беріп, онымен медиация тәртібімен татуласқанын көрсетті.
Аудандық соттың қаулысымен азаматша Т. Қазақстан Республикасы ӘҚБтК-ің 64 бабының 1 бөлігінің негізінде жәбірленушімен татуласуына байланысты әкімшілік жауаптылықтан босатылып, әкімшілік ісі өндірістен медиация тәртібімен тоқтатылды.
Қаулы заңды күшіне енбеген.
 Э.Серікбаева.