Атақты әртіс Асқар Тоқпанов алпыс жасқа толуына орай  дүрілдетіп мейрамханада той өткізетін болады. Белгілі-белгісіз себептерменБауыржанға шақыру билетін  тойға 45 минут қалғанда ғана өзі әкеліп беріп,билеттің уақтылы берілмеуін балаларыныңжауапсыздығына артыпты. Баукен тойға бармайды. Осы шақыру туралы ол өз пікірін былайша  білдіреді:
–Халқымыздың  «Ақымақтың ақылы түстен кейін кіреді» деген мақал бар. Оны кекетіп айтқан деп мазақтап күлесіңдер.
–Это убийственное слово. Бұл, шын мәнінде, философиялық сөз. Сен, шырағым, мені періште деп ойламағын. Мен періште емеспін, адам баласымын. Өз заманыма, өз қоғамыма жарастықты жетістігімде, кемістігім де бар. Оның түп себебі қара шаңырақтан, ортадан басталады. Ешкім қаражүрек, оңбаған, не дана боп тумайды....Бұл –  екіжүзділік, өзін өзі сыйламағандық. Оған мен ренжіп отырғаным жоқ. Еш болмаса бір күн бұрын билетін бермей ме? Тапқан екен «балалар балалық жасапты» деп алдауды. Тағы дәстүріміз бойынша құрқол бара алмаймын...Асқар  ақымақтың ақылы түстен кейін емес, кеш батқанда кіріпті.
P.S.Мұндайда  дана қазақ: «Үйіңе күліп кіріп, күңірене шыққаннан құдай сақтасын» депті.