ҚҰЛАЖАНОВ ТӘШЕН (1921-2009 жж.) - 1921 жылы қазіргі Кейден ауылында дүниеге келген. Жаңақорғанға қатынап оқып 5 сыныпты бітірген соң, МТС жанындағы трактористер даярлайтын курсты оқып тәмамдаған. Комбайнды меңгеріп шығып, “Ынтымақ” колхозына жұмысқа жіберіледі. Осында жүргенде 1941 жылдың тамыз айында әскерге алынып, 3 ай Самарқанда әскери дайындықтан өтіп, қараша айында Украина майданында соғысқа кіреді. Днепр өзенінен жауды өткізбеуде Тәшен Құлажановтың 76 мм зеңбірегі үлкен күш көрсетеді. Дегенмен күші басым жаудың шабуылдарына тойтарыс бере отырып олар 500 шақырымға кейін шегінеді. Осы жерде ұзақ аялдап, 1942 жылдың соңына дейін тұрады. Кезекті әскери барлауға жіберілген үш партизан солдаты немістің 5 солдатымен 1 офицерін тұтқынға түсіреді. Осы ерлігі үшін оған “Ерлігі үшін” , ал 1944 жылы “Жауынгерлік еңбегі үшін” медальдарымен марапатталады. Соңғы шайқасында оң жақ иығы мен қолынан жараланып, 5 ай дала госпиталында емделген. 1947-1951 жылдар аралығында Жаңақорған санаторийінде жұмыс істеген. 1951-1981 жылдар аралығында теміржол мекемесінде кірпіш зауыты мен ПМК - 1603-те жұмыс атқарып, зейнетке шыққан.

Ұлы Отан соғысының ардагері Құлажанов Тәшеннің музей қорында сақталған құжат-суреттерінің тізімі

1. Куәлік “1941-1945 жж. Ұлы Отан соғысындағы Жеңіске 60 жыл” медаліне берілген.

2. ⁠ Куәлік. “КСРО ҚАРУЛЫ КҮШТЕРІНЕ 60 жыл”. 28.01.1978 жыл

3. Куәлік. “КСРО ҚАРУЛЫ КҮШТЕРІНЕ 70 жыл”. 28.01.1988 жыл

4. ⁠Куәлік «Кеңес Одағының Маршалы Г.К.Жуков медалімен марапатталғанына» берілген. 26.05.1995 жыл

5. ⁠Орден кітапшасы “Ұлы Отан соғысында ІІ-ші дәрежелі орденіне» берілген. 11.03.1985жыл

6. ⁠Куәлік. “Еңбек ардагері” медаліне берілген. 29.07.1981 жыл

7. ⁠ Куәлік “Астанаға 10 жыл” медаліне берілген.

8. ⁠Куәлік. “Украинаны фашистік басқыншылардан азат еткеніне 60 жыл” медаліне берілген. 17.09.2004 жыл

9. Куәлік.⁠”1941-1945 жж. Ұлы Отан соғысында Германияны жеңгені үшін” медаліне берілген.10.07.1958 жыл

10. ⁠Куәлік “1941-1945 жж Ұлы Отан соғысында Жеңістің қырық жылдығы” медаліне берілген. 08.05.1985 жыл

11. ⁠ҚР Президентінен Құттықтау хат.