Мың алғыс, саған абзал жан!

Жас келген соң басың ауырып, балтырыңның сыздауы көбейетіні қалыпты. Бірде қан қысымым жоғарылап жедел жәрдеммен аудандық ауруханаға түстім. Мені жан сақтау бөлімінің дәрігерлері қабылдап алды. Сол уақытта дәрігердің берген емінің дертіңе дауа болуы мейірбикеге тікелей байланысты екеніне көзім жетті. Жан сақтау бөлімінің мейірбикелері алғашқы көмек беріп, ем алып шығуыма жағдай жасады. Әсіресе, осы бөлімнің анестезизт-мейірбикесі Жанар Ақбаеваға арнайы алғыс білдіргім келеді. Науқасқа жылы шырай танытып, дер кезінде көмек бергеніне ризамын. Еңбегің жана берсін Жанар!
Кент тұрғыны, Алтынай Жоламанова.